Панта и Саманта во шетачка варијанта

од Ванчо Полазаревски

Тргнаа на пат летен
со елан тотално комплетен,
и по една чанта
тате, пантер Панта
и ќерка му Саманта.
Да остварат ветување
од пред три лета:
татко со ќерка
светот да го шета.
И го видоа градот
вечен, Рим наречен,
и Токио градот на иднината,
Париз, престолнина на светлината,
па, Њујорко, големото јаболко,
а не беше одмината
ни Москва со златните ѝ мината.
Ги привлече, просто пубертетски,
и славниот Лондон, светски...
Шетаа, се нашетаа,
Панта и ќерка му Саманта
и најпосле се уверија, за стално,
од шума да ти немало на светот,
ништо - пофеноменално.

Илустрација: Наташа Костовска