Кравата МУУУ! Бродот ТУУУ!

од Ванчо Полазаревски

Кравата виде брод,
па си рече:
„Е, краво,
ова е она право,
со брод да се плови,
откривање хоризонти нови.“
Бродот крава виде,
помисли, (покусо да не биде):
„Броду, луда главо,
многу е здраво,
од морето да се спасам
како кравче да си пасам.“
Ко јазик да си гризна,
кравата призна -
да плови, за неа е
фантазија чиста...
И бродот помисли:
- „И со мене
ситуацијата е - иста.
Можам да пасам
само вода бистра.“
И по едно кравско:
- Мууу!
и бродско:
- Ту-ту-ту!
разделба што значат,
кравата и бродот си ветија -
нема чудни желби да ги мачат.
Бродот ќе се лизга
по морска линија права,
отмено како крава.
А кравата, со нишање во од,
ќе пасе небаре плови како брод.

Илустрација: Наташа Костовска


Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s