од Владимир Мартиновски

Нема концерт на кој не била 
Кобилата наша Мила.

За неа е баш тажно и пусто 
Кога нема свирки на Вудсток.

Таа секогаш бис си бара
На Миланската скала.

Нашата кобила Мила била 
И во операта на Бастилја.

Еднаш го гледала најубавиот ној
Како игра балет во Бољшој.

Го знае Мила како секој наш дол 
Секое столче во Карнеги хол.

Од мала Мила весела е ко во штала
На концертите во Универзална сала.

---

Илустрација: Зоран Кардула

---

Песна од книгата „Хор во задниот двор“, во издание на „Чудна шума“

---

Од истиот автор: